Hej ’t disse wekke ok met-e-kreegn, det circus oaver die linties ? Wat een vèrspilling van tied en energie, met name in-e-geem deur de oppositie die d’r as een bok op de haverkiste boam opspröng’n. Een oppositie nota bene die van huus uut grotendeels niks met ’t Koningshuus ophef en derhalve ok nie met hun linties zoj dan denk’n.
(Lees verder onder afbeelding)
Wat had ’t noe uut-e-maakt as doarveur een aander’n dan Faber zien handtekening onderop de ‘goedkeuringspapier’n’ e-zet had ?
Mà ja, bliekbaar bint d’r gin grotere probleem in dit laand àn de orde dan disse ‘lintiesaffaire’ en blinkt ze in Den Haag uut in ’t maak’n van olifant’n van mugg’n.
Pèrsoonluk vin ik zo’n lintie nietszeggend. Ok à vèrzet ie barg’n vriewilligerswark, de voldoening zit hum in mien oog’n nie in zo’n stukkie textiel of polyester.
Ok heb ik à joaren niks meer met ’t Koningshuus veurol dankzij ‘clumsy’ Willem en ‘digitale’ Maxima hoewel ik de ofstandelukke tante Beatrix ok à niks vönd. Van Juliana koj teminst’n nog zegg’n det ze ‘een moeder of DE moeder’ – weliswaar mèschien wat naïef – ‘van olle Nederlanders’ was.
Oaver moeders e-sprökk’n, den van mie is disse wekke à 23 joar nie meer onder oons. Sie was een fantastische vrouw die van oons huus een warm thuus maakt’n. En iederíéne was welkom, gastvrie as sie was.
Mien Móé hef trouwens ok barg’n vriewilligerswark vèrzet mà kreeg doarveur nooit gin lintie, (iets wat sie trouwens wè geweldig vön zol hem). En ik kan mie ok nie herinner’n det mien Móé een lint in heur hoaren bönd.
Det laatste was kloarbliekeluk bie Raf (2 okt. 1965) en Mich (10 mrt. 1969) Walschaerts wè ’t geval. Sie beskríéft dit nameluk in hun herinneringen àn hun oldershuus.
(Lees verder onder afbeelding)
Een liefdevol oldershuus. Net zo íént as det van mie en mien breurs en zuss’n.
Det stíét hoaks op de haat en ’t gif, op de minachting en egotripperieje die in det huus doar in Den Haag àn de orde van de dag bint. Kloarbliekeluk komt politici uut een apàt nös. Mèschien wè uut een koekoeksnös met as basisregel; hoe licht ik de aander een peutie ten faveure van miezelf. Ikke ikke ikke.
Pfff wat bin ik blie det ik, noar veurbeeld van mien Móe, zo nie in’t lēēm stoa en nie uut een koekoeksnös komme mà uut een warm huus van fluweel …
Live versie ‘Huis van Fluweel’
Albumversie ‘Huis van Fluweel’
De heren van Kommil Foo hebt nog velle meer mooie dinge maakt
En ok disnt. Tjonge, wat een poëtische rasmuzikant’n bint ’t toch ok
En töt slot dit zeer ontroerende ‘Wij twee’
Mooi stukje Leo.
Ik ben het volkomen met je eens. Vrijwilligers werk doe je vanuit je hart, niet voor een koninklijke “erkenning “. Ook al wordt je voorgedragen door bekenden, je krijgt de dankbaarheid van de mensen om je heen, dat is de drijfveer om vrijwilligers werk op te pakken en door te zetten.
De discussie ging niet over of vrijwilligers wel of geen lintje moeten krijgen, maar over een bewindspersoon die weer onderbuikpolitiek wilde bedrijven. In dit (nog) democratische land worden lintjes uitgereikt bij Koninklijk Besluit. Zoals je weet heeft de koning niets meer te vertellen en treden de ministers namens hem op en moeten deze ondertekenen, wat een formaliteit is. Er vindt door de gemeente, provincie en het kapittel grondig onderzoek plaats voor dit besluit valt. Ik weet dat uit ervaring. Een aantal mensen vroeg een paar jaar geleden een lintje voor mij aan en dat werd geweigerd. Ik had voor mijn N35 hobby uitgevogeld dat in Overijssel 4% van de inkomsten motorrijtuigenbelasting door het rijk geïnvesteerd wordt en rond de 50% in de Randstad en wilde een belastingstaking uitroepen https://www.oost.nl/nieuws/321671/raaltenaar-wil-actie-op-n35-en-dreigt-met-belastingstaking en daarom werd het afgewezen.
Faber moest zich weer profileren met een domme actie, helaas niet de eerste….
@Kees, zo’n belastingstaking lik mie wè wat.
En joa, die aktie van Faber was nie ol te snugger mà tjonge jonge, was ’t tegeliekertied mà ’t ollergrootste probleem det àn de orde is in dit laand.
’t Is net wat Diss’n van Roerink bedoeld: Hup, d’r àn met de lippe !!!
De wereld staat in brand, en we heb en het over een paar lintjes. Niet dat ze het niet verdienen, maar er zijn andere behoeftes. En wat het koninklijk huis betreft ben ik het met je eens. Ik zeg wel eens : “Goa an oe wark” !!