Ik had à vèschulnde opties kloar stoan um as twidde biedraage àn de rubriek Plaatnportret of te lēēvern … tötdet de persconferentie van zoaterdagoamd jl. kwaam.
Toen dach ik, wat is ’n mēnse, op dit moment, in disse sombere zwoare periode, noe warkeluk ech neudig?
As muziekliefhebber bedach ik mie toen det det dan nie iets aans kan wēēn dan 1 van de ollerbeste muzikale optredens ooit.
Ik wit det ik hiermet ’t risico loope det ik met mien volgnde biedraages disse weer-ga-lo-ze veurstelling hoast nie meer kan oavertrefm, mà veuruut, det risico nemme ik.
Stairway to Heaven is op zich à ’n machtig nummer mà disse tribute deur de gezusters Wilson, oftewel Heart, in ànwezigheid van de Led Zeppelin leden zelf, is in goed Lutnbargs warkeluk flabbergasting.
En det Jason Bonham, de zönne van de oaverleden drummer van Led Zeppelin John Bonham ok onderdeel van dit eerbetoon uutmaakt, maakt dit optreedn extra uutzönderluk.
Ik hoppe warkeluk det disse video oe wat moois brengt in disse vèvelende tied. Dus kiek, luuster en geniet:
