’t Was een nog à winderige wekke. De luch is d’r mooi van op-e-kloart. Zo as ie een stilte veur de storm hebt hej d’r ok íéne d’r noa. ‘Calm after the storm’ van de Common Linnets is wat mie betreft de beste songfestivalplaate van Nederlaandse boadum ooit !! Det destieds de 1ste plaase noar een vrouw gung umdet ze een board had, was en is nog steeds volstrekt belacheluk.
’t Líéntie zit tekstueel zo geraffineerd en tegieleke muzikaal zo simpel in mekaare, zonder oaverboadige poespas, det ’t in zien eenvoud van absolute wereldklasse is.
Ilse de Lange en Waylon zingt in ‘Calm after the storm’ oaver ’n heftige periode in een relatie. Of noa die storm de luch ok op e-kloart is valt te betwiefeln. Nie lange noa hun warkeluk prachtige songfestivaloptreden kreegn ze de grootste trammelant met mekaare, hoewel ze ’t noe volgens mie weer wat bie e-legd hebt.
Hoe dan ok, ‘Calm after de storm’ is van een ongekende schoonheid. Kiek en geniet op YouTube !!
★★Bonuslied: heemoa onderàn disse tekst hebbe ik een Nederlandstalige versie van dit nummer toe e-voegd.
Driving in a fast lane
Jagend op nun snelle ríéstrooke
Counting mile marker signs
Telle ik hectometerpoalties
The empty seat beside me
De lēūge stóéle nēūst mie
Keeps you on my mind
Dut mie denkn àn oe
Livin’ in the heartache
Te mutn lēēm met hartzeerte
Was never something I pursued
Heb ik nooit e-wuld
I can’t keep on chasing
Mà ik kanne nie blíém jaagn op
What I can’t be for you
Iets wat ik nie veur oe kan wēēn
Ooh skies are black and blue
Ooh de luchtn bint zwat en blauw
I’m thinking about you
Ik denke àn oe
Here in the calm after the storm
Hier in de stilte noa de storm
Tears on the highway
Troan’ op de snelweg
Water in my eyes
Water in miene oogn
This rain ain’t gonna change us
De rēēgen zal oons nie dóén vèraandern
So what’s the use to cry?
Dus wà veur zin hef’t um te zitn lipm
I could say I’m sorry
Ik zolle kun zegn det ’t mie spiet
But I don’t wanna lie
Mà ik wulle nie líégn
I just wanna know if staying
Ik wulle gewoon weetn of blíém
Is better than goodbye
Better is dan weggôan
Ooh skies are black and blue
Ooh de luchtn bint zwat en blauw
I’m thinking about you
Ik denke àn oe
Here in the calm after the storm
Hier in de stilte noa de storm
Ooh after all that we’ve been through
Ooh noa olles wat wie met e-maakt hebt
There ain’t nothing new
Is d’r niks niejs
Here in the calm after the storm
Hier in de stilte noa de storm
Maybe I can find you
Mèschien det ik oe kan vin’
Down this broken line
Langs disse onderbrökn streepm
Maybe you can find me
Mèschien det iej mie kun vin’
I guess we’ll know in time
De tied zal’t leern
Ooh skies are black and blue
Ooh de luchtn bint zwat en blauw
I’m thinking about you
Ik denke àn oe
Here in the calm after the storm
Hier in de stilte noa de storm
Ooh after all that we’ve been through
Ooh noa olles wat wie met e-maakt hebt
There ain’t nothing new
Is d’r niks niejs
Here in the calm after the storm
Hier in de stilte noa de storm
There ain’t nothing new
Is d’r niks niejs
Here in the calm after the storm
Hier in de stilte noa de storm
★★Kommil Foo is ’n dondersgoeie Belgische band die ’n Nederlandstalige versie van Calm after the storm maakt hebt. Ok disse heel mooie versie deel ik graag met uulle. En … van de heren van Kommil Foo zal ik in de toekomst zeker en vast nog wè is ’n líéntie onder uulle aandacht brengn. Versie van Kommil Foo
