Plaatnportret: Nieuwjaarswens “Power of Love”

Met de Kāsdaagn net achter oons en ‘n niej joar op komst, kump d’r ‘n soart van bezinning oaver oons hèn. Bezinning en goeie veurnemmens.

Mèschien det ‘t volgnde líéntie doarbie kan helpm. Kan helpm um mekaare minder rap te vèroardeeln of te bè-oardeeln, um wat meer van mekaare te accepteern. Wie hóéft nie oammoa ‘t zelfde te denkn of ‘t zelfde te wēēn.

Det is heemoa nie zo muulluk aj eers is begint um bie nun aander op ziene goeie eignschapm te letn en nie met ‘t ofkraakn van wat d’r nie àn deugt. ‘t Is ‘n kwestie van wat meer veur mekaare oaver hem. ‘t Is ‘n kwestie van de ‘power of love’.

Klik hier voor de link.