Van ‘Somebody will know some day’ van Cuby heb ik ooit e-zeg det det mèschien wè ‘t beste líéd ooit is, op Nederlaandse boadum e-maakt: Lees hier.
Mà ja, aj zo iets mut beoardeeln is oe stemming van det moment zeekes ok bepalend. En deurumme zet ik dan dus ok oltied ‘t woard ‘mèschien’ d’r bie want d’r bint meer kapers op de kust. En 1 van die kapers, kanshebbers is ongetwiefeld ok ‘She flies on strange wings’ van natuurluk Golden Earring.
‘t Is uut een periode det muzikant’n, nie gehinderd deur tied, olle ruumte naam um ‘t beste in een líéd te stopm en det op vinyl te loat’n drukk’n. ‘She flies on strange wings’ nemt 7.30 minuutn in beslag en dut hoast on-Nederlaands goed àn.
(Lees verder onder afbeelding)
‘t Begint met een mooie rustieke inleiding gevolgd deur uptempo rock. Doarnoa lik ‘t kloar mà volgt een knettergoed synthesize-spel van Rinus Gerritsen. De saxofoon van Barry Hay mag d’r ok wēēn en ja, Cesar Zuiderwijk wut as 1 van de beste drummers van oons laand beschouwd. George Kooymans nemt de hooge nootn veur zien rekkening. Hij is ok de skríéver van disse memorabele compositie uut 1971.
(Lees verder onder afbeelding)
De Golden Earring bestíét nie meer. Sie bint noa 60 joar stopt. Oprichter Kooymans kan deur de vèrschrikkelukke zíékte ALS nie meer spell’n. Met 18 noteringen in de 3 edities van de Lutt’nbargse Top700 bint ze goed vèrteegnwoardigd. ‘She flies on strange wings’ steun d’r töt nog toe oltied in. Ok dit joar weer ?
Oaver 74 dagen starte wie ‘s mons um 09.00 uur met de nr. 700. De veurbereiding’n bint in volle gang en töt ‘t zo veer is kuj via Spotify geniet’n van geweldig mooie muziek uut eerdere edities via disse link
Mà natuurluk nie veurdej luustert hebt noar joawè, íén van de beste Nederlaandse muzieknummers ooit m͟è͟s͟c͟h͟i͟e͟n͟ ͟h͟è͟, ‘She flies on strange wings’
Videoclip
