Um te voetball’n bi-j 2 bíéne neudig. Mà as d’r een malloot is die 1 van oe bíéne op 2 plaats’n brekt en 5 operaties doarnoa nie helpt, dan is’t kloar.
’t Oaverkwaamp Niels Kokmeijer (destieds speller van Go Ahead Eagles) op 17 december 2004. Rachid Bouaouzan (Sparta) zetn met gestrekt bíén een vlíégnde tackle in op ’t scheenbíén van Kokmeijer det einde carrière beteken’ veur de 27 joarige ànvaller:
(tekst loopt door onder foto)
https://youtu.be/ubdQNK5GuMg?si=-kNa1UbJ5OLaFTmD
Nie alleent de Arbitrage Commissie van de KNVB strafn Bouaouzan mà ok Sparta en zelfs ’t Openbaar Ministerie klaagdn hum àn veur zwoare mishandeling. De rechter legdn hum uuteindeluk een veurwaardelukke gevangenisstraf op van 6 moand.
Doarmet is disse hele kwestie een unicum in de Nederlaandse sportgeschiedenis en rechtspraak.
Noe wie ’t dan toch oaver bíéne hebt, schríéver Godfried Bomans hef doar ooit is een mooin uitspraak oaver doane. Det gung oaver de bíéne van filmster en zangeres Marlene Dietrich. Oaver de schoonheid doarvan zei hij: “Had mien vrouw mà 1 zo’n bíén.”
(tekst loopt door onder afbeelding)
D’r bint ok bes velle líédties woarin bíéne bezöng’n wut zo as in Hot Legs deur Rod Stewart of Crazy Legs deur Darrel Higham en Jeff Beck. Mà de mooiste ode àn de ledemoat’n die oons voartbeweegt wut uut-e-voerd deur de rockers van ZZ Top.
’t Was in 1984 det ze met hun líédtie ‘Legs’ op de propm kwaam’. Al betwiefel ik of ze ’t doarin oaver de bíéne van Marlene Dietrich hebt.
‘Legs’ stíét op ’t ech prachtige album Eliminator. Een wrange titel aj de dubbele bíénbreuk van Niels Kokmeijer in oognschouw nemt want elimineern betekent nameluk ‘uutschakeln’.
ZZ Top kump uut Houston (V.S.) en de band bestíét uut 3 leden woarvan juust de íénige zonder board Beard heet.
Sie spelt heerlukke rock en de videoclippies bint vaake vèrmakeluk. En net det, wat vèrmaak, kunne wie in disse dondere daagn veur Kàsmis bes wè gebruukn.
Hier eers mà is de ‘video’ van ‘Legs’ met Sallaands’n ondertiteling à muj oe van de tekst nie ol te velle veurstell’n. Bie ZZ Top dreijt ’t noe íénmoal um hun lakker in ’t geheur liggende gitaarrock:
(tekst loopt door onder video)
En hier de grappige originele clip met de welbekende auto, een Ford Coupé uut 1933 en natuurluk met bonkn bíéne:
Joaren laater:
https://youtu.be/JeMaXyn3tDI?si=_SWoY7_PdWthlJsy