De Lutnbargse Muzikale Top700 van 12 tot 16 augustus noadert met rasse schreedn en met de veurbereiding van zo’n 5-daags evenement kan een mēēnse druk wēēn. (Meer info)
(Tekst loopt door onder de afbeelding)
Deurumme haal ik mien ollereerste biedraage àn op Hier in Salland van stal, een lied van Buisman & Zo.
Het bespoart mie wat tied (ik hóéve d’r gin Sallaandsn ondertiteling àn toe te voegn) mà gef tegeliekertied àn hoezeer ik van Lutnbarg mà ok van Sallaand en de rest van Oaveriessel hoale.
“Mien wortels” – ok à bint ze feiteluk veur de helfte Rotterdams – “gôat díéper dan” de “zaand”gronden hier. Velle díéper.
Die liefde vuul ik juust noe nog velle meer noe ut voartbestoan van oons huidige prachtige plattelaand, zo as wie ut noe in ol zien facetten kent, enorm onder druk stíét. En dan heb ik ut nog nie íéns oaver ut persoonlukke leed achter de staldeurn.
Det gíét mie donders an ut hàtte.
De tekst van Richard van der Zee (Mannenkoor Karrespoor) is in zien eenvoud machtig mooi en ooh zoo raak.
Kiek en luuster noar Dieper dan het Zaand, klik hier veur de video.
