D’r bint bes velle líénties die oaver Vaders goat. Ok líénties woarvan ie det op ’t eerste moment nie direkt zoln denkn. Bie “Dad” van K’s Choice ligt het d’r natuurluk dik boavm op, bie “Nobody loves you like I do” van Madrugada mèschien nie direkt.
K’s Choice kump uut Antwarpm. Sam Bettens (den eerst Sara heetn) zingt op ontroerende manier oaver zien Vá. En de beeldn in disse videoclip past d’r prachtig bie. Ontroering met een hoofdletter.En kun ie gin engels, de Sallaandsn ondertiteling is met e-lēēverd.
Madrugada is een Noarse band. “Nobody loves you like I do” gíét oaver een vader-zoon relatie. Det det nie aajt strookt blik uut de warkeluk prachtige videoclip die in íénmoal (dus zonder montages) is op e-num in Vesterålen. De warkeluk fan-tas-ti-sche stemme van Sivert HØyem dut de rest.
Ik zol zegn “kiek en beoordeel zelf”.En of ie noe zelf Vá bint of nie, of oe Vá nog lēēft of nie, een fijne Vaderdag oammoa.
Video K’s Choice – Dad / Vá.
Video Madrugada – disse wáááánzinnige ‘one-take-video’ muj ech zíén en heurn.
Video Madrugada – Niemaand held van oe zo as ik, ondertiteling.
