Brian Jones (28 februari 1942) was de oprichter van één van de allergrootste bands die ooit op disse Aarde bestoane hef, nog steeds bestíéd en ok ooit zal bestoan; The Rolling Stones.
De man was donders intelligent. Hij had een IQ van mà liefst 135 !! en hij was een multi-instrumentalist. Hij kon de volgnde instrumentn, woarvan ik d’r een aantal à gees nie kenne, bespeln: piano, mellotron, mondharmonica, gitaar, sitar, blokfluit, orgel, dulcimer, marimba, saxofoon, percussie, theremin, autoharp, kazoo, tuba, trombone, klavecimbel en ocarina.
Brian Jones was een fan van Muddy Waters en toen hij in 1962 in een pub in Londen Mick Jagger en Keith Richards ontmoetn nam hij ’t initiatief um een band op te richtn; The Rollin’ Stones, noar een líédtie van Muddy Waters. Nie velle later voegdn Charlie Watts en Bill Wyman zich ok bie de band en wun de bandnaame The Rolling Stones.
Brian Jones schreef met àn velle nummers. In 1965 was doar de echte grote deurbraak veur (kotweg) The Stones met Satisfaction en kwaam’n de hits àn de lopende baand.
Mà Jones raaktn zwoar àn de drank en drugs vèrslaafd en geleideluk àn gung ’t bargofweerts met hum. Boavndien steun The Stones deur zien toedoen vaake in de Rechtbaanke vanwege drugsbezit. En toen in 1967 Keith Richards een relatie kreeg met de vriendinne van Jones vèrslechtern de boel nog meer.
Jones kwaamp steeds vaakerder nie opdaagn bie repetities en as hij d’r we was wasse dronkn. Op 8 juni 1969 wun hij officiëel uut de band e-zet, zien eign band nota bene! Nog gin 4 wekke laater, op 3 juli 1969, wut hij dood e-vun in zien eign zwembad bie zien huus. Oaver wat d’r gebeurd is bint (nog steeds) velle speculaties, van dronknschap töt een ongeval töt zelfmoard en joa zelfs töt moard àn toe.
Brian Jones stierf op 27-joarige lēēftied en was doarmet nun 1stn van wat laater de ‘Club van 27’ zol goan heetn. Jimi Hendrix, Janis Joplin, Jim Morrison, Kurt Cobain en Amy Winehouse beheurt doar ok toe.
(tekst loopt door onder afbeelding)
Jones was een muzikaal genie en zien kwaliteitn hebt dan ok bin’ The Stones nooit ter discussie stoane. Hij is de grondlegger van die typische sound woarmet de band beroemd is e-wun. ’t Laatste nummer woar hij àn met-e-warkt hef is ‘No expectations’ [Gin vèrwachtingn] uut 1968 woarop hij te heurn is met zien akoestische slide gitaar. ‘t Is feiteluk een eerbetoon àn blueslegende Robert Johnson. ’t Gíét oaver eenzaamheid, oaver alleent achterblíévn.
Mà de interpretatie van ‘No expectations’ en ’t gevuul wat ‘t opröp is, noa de langzame oftakeling van Brian Jones woarbie de vèrwachtingn van hum deur de oaverige Stones-leden steeds veerder ofnaam’n en deur zien uuteindelukke dood, onbedoeld en ok onherroepeluk in een aander daglich kom te stoan.
‘No expectations’ Is d’r deur vèraanderd in een zeer ontroerend eerbetoon àn een man, zonder wie mèschíén wè nooit van The Rolling Stones e-heurd hàn.
Ondertitelde video met beelden van Brian Jones
