Luu, ēēm een paar vroagn;
1) ie hebt thuus een katte en aj dan an’t kokn bint en ie mut tusndeur ēēm noar boavm, loat ie dan ’t spek op ’t aanrech lign ?
2) ie goat noar safaripark de Beekse Bergen en haalt bie de ingang een gebakn vissie. Et ie den dan op, buutn oe auto, muln in ’t park ?
3) zol ie in oe ééntie dürfm te barbecueën in ’t Zambezi National Park met wiederop een koppel hyena’s die in ’t hooge grös op de loer ligt ?
Heb ie disse dree vroagn met een ‘nee’ beantwoard ?
Dan gôat wie deur noar de volgnde paar vroagn;
4) ie hebt 15 jonge kuuknties. Zol ie ze groot brengn op een klein stukkie gröslaand in oons ooh zo wiedse Schanebróék ?
5) ie hebt 4 eier van een bedreigde vogelsoart. Zol ie die (as det kon, deur bèveurbeeld een kippe) uut loatn bruun in een wielaand van oons mooie uutgestrekte Helderbróék ?
Ik binne mà een simpele boernzönne met dito vèrstaand mà ie kunt velle better tegelieke met 2 emmers met 10 liter water loopm, dan alleent met 1 emmer met 20 liter. ’t Dreijt immers oammoa um ēēmwich !!
Ēēmwich die vot is in oonse natuur. Want d’r bint tevelle rovers. Rovers rooft en det is precies de reden woerumme ie de vroagn hierboavm met een ‘nee’ beantwoard hebt.
Met zo oonmeunig velle vosn, dasn, fretn, marters, Vlaamse gaain, buizerds, valkn, kraain, reigers, ooievaars etc. en zelfs een oprukkende wolf raakt de prooidiern as vanzelf in ondertal en meugeluk zelfs bedreigd in hun voartbestoan. Zo dus ok de weidevogel.
Àn de boern ligt ’t niet. Boern prèbeert ech we de vogels te bescharm. Boavmdien hef onderzuuk ut e-weezn det in de deur boern bemeste wielaane en akkers donders velle boadumlēēm zit in teegnstelling töt de met rust e-loatn natuurgebiedn zo as de heide (hoi korhoen, die niks te vretn hef!)
Klik hiere veur de kraante
Noe is de nachtegaal gin weidevogel mà deur de ietwat weemoedige zangstemme en klankn van de Amsterdamse popgroep George Cash in hun líéntie oaver disse prachtige zangvogel, past ‘t wat mie betreft prima in dit vèrhaal oaver bedreigde weidevogels:
Tekst:
Wait for me one more day
Wach op mie, nog íéne dag
I got many words to say
Ik heb heel velle te vèrteln …
To reach you, nightingale
… um oe te bereikn, nachtegaal.
I need time then I come
Ik heb tied neudig, dan goa ik …
To a place in the sun
… noar een plekke in de zönne …
To reach you, nightingale
… um oe te bereikn, nachtegaal.
A song will fill the air
Een lied zal de luch vèrvuln
A song for everywhere
Een lied, veur oaverà
Nightingale, wait for me
Nachtegaal, wach op mie
Sing a song just for me, nightingale
Zing een líéntie, speciaal veur mie, nachtegaal
I need some time then I come
Ik heb wat tied neudig, dan goa ik …
To a place in the sun
… noar een plekke in de zönne …
To reach you, nightingale
… um oe te bereikn, nachtegaal.
A song will fill the air
Een lied zal de luch vèrvuln
A song for everywhere
Een lied, veur oaverà
Nightingale, wait for me
Nachtegaal, wach op mie
Sing a song just for me, nightingale
Zing een líéntie, speciaal veur mie, nachtegaal
I need some time then I come
Ik heb wat tied neudig, dan goa ik …
To a place in the sun
… noar een plekke in de zönne …
To reach you, nightingale
… um oe te bereikn, nachtegaal.
A song will fill the air
Een lied zal de luch vèrvuln
A song for everywhere
Een lied, veur oaverà
Nightingale, wait for me
Nachtegaal, wach op mie
Sing your song just for me, nightingale
Zing oe líéntie, speciaal veur mie, nachtegaal.
