Noa een korte, mà broodneudige pauze i.v.m. een donders vèrrasnde, velzijdige en sproakmaaknde Luttenbergse Top700 en ’n afterparty in de vorm van ’n Lutnbargs Feest bin’k weer, in goed Sallaands, ‘back in business’.
Tja, en wat is dan de 1ste plaate diej op disse site gooit ? Ik kwaame uuteindeluk uut bie ’n thema det ik eerder àndach e-geem hebbe; de dreugte.
Det was nota bene à op 16 mei jl. (Klik hier) en sindsdien is goed beschouwd de situatie alleent mà vèrslechtert.
De heersende dreugte wut noe ech nijpend, zeekes veur de boern die ut toch à oonmeunig zwoar hebt. En ie hoef gin raketgeleerde te wēēn, ’n bettie boernvèrstaand is voldoende, um oe te besefm det disse dreugte op allerlei gebiedn groote gevolgn gíét hem. Denk bèveurbeeld alleent mà is àn de voedselpríéze.
Ut gôat nog barre tiedn wun. Dus smeeke ik, bie de stemme van de Noard Ierse Foy Vance, um rēēgn … rēēgn, rēēgn en nog is rēēgn.
Luustern noar dit prachtige líéntie, uut 2014, det tevens ’n stekke onder … euh … water is, det de riekn, de elite, nooit nāās nie las van hebt, en smeek met Foy Vance met. Doe ut, veur oons oammoa:
“Loat ut rēēgenen!!”
En gin paniek, nun Sallaandsn ondertiteling is d’r weer bie e-lēēverd.
Klik hier voor de video
Eerdere Plaatnportretten van Leo van Krukkert vind je hier.
