Ik binne veurige wekke kats veurbie gôane àn ’t feit det iene van de bekendste, mèschien wè de bekendste songwriter op 18 juni jl. 80 joar wun is. Zien naame; Paul McCartney.
Noe is dit weekend ’t Stroatkoarenfestival in Lutnbarg dus ik dache, dan combineere ik beide gegevens effies …
Nee, de’s gekheid natuurluk. Op ’t Stroatkoarenfestival pleegt ’t publiek deurgoans alleent te luustern. Bie The Beatles oaverstemde ’t oarvèrdovende gegil van hun publiek menigmoal de zang en muziek die ze op det moment prèbeern ten geheure te brengn.
Toch is d’r een opname woarbie Beatles en ’t ànwezige publiek goed saamgoat. Vanwege de rechtn die d’r opzit kon ik de video nie bewarkn en uploadn dus nun Sallaandsn oondertiteling ontbrekt.
Ik heb ’t oaver Hey Jude uut 1968. John Lennon lag in een scheiding met zien 1ste vrouw umwulle van Yoko Ono. McCartney von det zielig veur hun 5 joarige zeuntie Julian en zetn vèrvolgens Hey Jules op papier, laater vèraanderd in Hey Jude. Hij lik te wuln vèrteln det Julian mut prèbeern zien ‘nieje’ Móé te accepteern.
Julian Lennon kwaam d’r trouwens 20 joar laater pas achter det ’t líéntie oaver hum gung.
’t Líéntie duurt ruum 7 minuutn en det was ongebruukeluk lange destieds. Mà bliekbaar hef ’t aandere bands doarnoa wè inspireert um ok langere (en ok prachtige) nummers te maakn.
Video met rustig publiek.
Video met Engelstalige tekst.
Bonusvideo met biezönder enthousiast publiek woar de Stroatkjeals (nie gemeen bedoeld) nie àn tipm kunt.
Uut e-skreem tekst Hey Jude:
Hey Jude, don’t make it bad
Hee Jude, maak ’t nie arger
Take a sad song and make it better
Nem een droevig líéntie en maak det mooierder
Remember to let her into your heart
Vèrget nie um heur toe te loatn in oe hart
Then you can start to make it better
(Pas) dan kun begin um ’t better te maakn
Hey Jude, don’t be afraid
Hee Jude, wēēs nie bange
You were made to go out and get her
Oe doel is d’r op uut gôan um heur te haaln
The minute you let her under your skin
’t Moment dej heur oonder oe huid loat kroepm
Then you begin to make it better
Dan wut ’t better
And any time you feel the pain
En elkn moal aj de piene vuult
Hey Jude, refrain, don’t carry the world upon your shoulders
Hee Jude, loat ’t wēēn, draage de wēreld nie op oene scholders
For well, you know that it’s a fool
Want ie weet toch, dat ’t een malloot is
Who plays it cool
Die zich stoer veurdut
By making his world a little colder
En doarmet zien wēreld een stukkie koalder maakt
Na-na-na-na, na
Na-na-na, na
Hey Jude, don’t let me down
Hee Jude, stelle mie nie tèleur
You have found her, now go and get her
Ie hebt heur vun, dus hup, goa heur haaln
(Let it out let it in)
(Loat ’t een bettie gôan)
Remember to let her into your heart (hey Jude)
Vèrget nie um heur in oe hatte te sluutn (hee Jude)
Then you can start to make it better
Dan kun begin um ’t better te maakn
So let it out and let it in
Dus loat ’t een bettie gôan
Hey Jude, begin
Hee Jude, kom
You’re waiting for someone to perform with
Ie zit of te wachtn um d’r saam wat van te maakn
And don’t you know that it’s just you
Mà weet ie dan nie det ie ’t alleent oe is
Hey Jude, you’ll do
Hee Jude, ie mut ’t dóén
*The movement you need is on your shoulder
*Det duwtje waaj neudig bint ligt op oene scholder
Na-na-na-na, na
Na-na-na, na, yeah
Hey Jude, don’t make it bad
Hee Jude, maak ’t nie slimmer
Take a sad song and make it better
Nem een droevig líéntie en maak det better
Remember to let her under your skin
Vèrget nie um heur oonder oe huid te loatn kroepm
Then you’ll begin to make it better
Dan begin ie ’t better te maakn
Better, better, better, better
(ah, make it, Jude)
Better, ah
Na, na, na, na-na-na, na (yeah, yeah, yeah, yeah, yeah, yeah, yeah)
Na-na-na, na, hey Jude
_____________________________
*Paul McCartney hef de tekst e-skreem en wol disse zinne schrapm:
The movement you need is on your shoulder
Det duwtje waaj neudig bint ligt op oene scholder
John Lennon vond dit echter de mooiste regel en wol absoluut hem det ’t d’r in bleef.
De moard op Lennon (8-12-1980) hef veur McCartney doarna de betekenis, ’t gevuul det hij bie disse tekstregel hef, drastisch vèraanderd.
