Plaatnportret: Griechischer Wein van Udo Jürgens

Luttenberger muziekkenner Leo van Krukkert heeft deze week Griechischer Wein van Udo Jürgens geselecteerd. Dit keer bij uitzondering niet met Sallandse ondertiteling van de video, maar met uitgeschreven vertaling.

Interessant? Deel het artikel

pixabay

Ofgeloopm weekend was d’r in Lutnbarg een Duutse Oamd bie café De Schoenmaker. D’r wun ollerlei muziek e-dreijt, van stevige rock töt mooie ballads en schlagers. ’t Was een mooin en gezellige oamd en bes we druk bezöch. Juust deur die drukte kreeg ik nie olles met mà bie 1 líédtie, bespuurn ik drekt, ondanks de’k ’t oammoa niet goed kon heurn, de biezönderheid d’r van.

’t Was een líédtie det uulle oammoa kent en det bienoa oltied associeert wut met gezelligheid en drinkn. Mèschien zelfs wè met carnaval. Mà nee, doar, àn carnaval dóét wie in Lutnbarg nie. En … Griechischer Wein gíét heemoa nie oaver lakker zoepm uut gezellugheid.

’t Gíét nameluk oaver gastarbeiders die hun laand vèrloatn hebt um in een vremde buutnlaandse stad geld te vèrdíén veur vrouw, wichter, familie en huus.

’t Beschrif o.a. de heimwee en ’t gevuul van eenzaamheid van disse luu. Ok aandere líédties van Jürgens hebt vaake maatschappelukke thema’s, zo as bèveurbeeld ‘Bitte mit Sahne’ oaver de consumptiemaatschappij.

Griechischer Wein is uut 1974 en deur velle artiestn e-coverd.

Mà ’t is van Udo Jürgens, die op 30 september 1934 is geboarn in Oostenriek. Hij hef zichzelf piano leern speln en is zonder meer 1 van de meest succesvolle Duutstalige artiestn met meer as 100 miljoen vèrkochte albums.

De uutvoering diej gôat zien is uut 2014 toen Jürgens 80 (!) joar was. Laater det joar stierf hij deur een hartànval op 21 december.

Mà zelfs op 80 joarige lēēftied hef Jürgens niks àn kwaliteit en à heemoa nie àn charisma in e-boet. Hij draagt ’t líéd as’t ware veur, op bie toern, vertellende wieze. Elk woard kump, in combinatie met zien ‘performance’, volkom’ töt zien rech en Jürgens nemt oe doardeur met in’t vèrhaal.

Kiek en luuster zelf. ’t Is typisch zo’n optreden woarvan aj d’r nie ol te velle teegnkomt.

Ik had trouwens wè ’n probleem met de video te ondertiteln. Dit vanwēge de rechn die d’r op zit. En det hef dan mèschien weer te maakn met de schulden van Udo Jürgens. Hij was nameluk wè een zeer begenadigd artiest mà minder goed in belasting betaaln.

Dit keer dus een video zonder ondertiteling!

Mà goed, hier in’t Oosten begriepe wie de Duutse taal zo ok wè. En zelfs aj det nie dóét zuj onder de indruk wēēn van disse prachtige uitvoering van Griechischer Wein:

 

Klik hier voor de video

 

 

 

Tekst in het Sallands:

 

Was à donker toen ik in de buutnwiekn

oaver stroate op huus àn gung

D’r was een harbarg

van woaruut het lich nog op de stoep schíén

Ik had we tied, ik had ’t koald,

dus ik gung noar bin.

Doar zaatn kjeals met broene oogn

en met zwat hoar

En uut de jukebox kwaap

vremde en zuudelukke muziek

Toen ze mie zaagn, steun d’r íéne op

en neudign mie uut

Refrein:

Griekse wien,

is net zo as ’t blóéd van de eerde

kom, schenk oe d’r íéne in

en as ik dan vèrdrietig wurre

ligt ’t dan doaràn …

… det ik oltied van thuus dreume,

ie mut vèrgeem

Griekse wien,

en die oale vèrtrouwde líédties,

kom, schenk nog mà weer in

umdet ik ’t vèrlangen vuule,

telkens in disse stad

woar ik oltied een vremdn zal wēēn … en alleent

En toen vèrteldn ze mie oaver

gruune heuvels, zee en wind

Van oale huuze en jonge vrôalluu

die alleenig bint

en van ’t kind det zien Vá

nog nooit e-zeene hef

en sie bleevm mà vèrteln,

oaver ooit terugge gôan

en det ’t gespoarde { geld } genog is

veur ’n bettie geluk thuus

en à gauw denkt niemand d’r meer àn

hoe ’t hier was.

Refrein:

Griekse wien,

is net zo as ’t blóéd van de eerde

kom, schenk oe d’r íéne in

en as ik dan vèrdrietig wurre

ligt ’t dan doaràn …

… det ik oltied van thuus dreume,

ie mut vèrgeem

Griekse wien,

en die oale vèrtrouwde líédties,

kom, schenk nog mà weer in

umdet ik ’t vèrlangen vuule,

telkens in disse stad

woar ik oltied een vremdn zal wēēn … en alleent

 

 

 

 

 

Word supporter van HierinSalland

HierinSalland is voor, maar ook van Salland. Word supporters en ondersteun ons. Door mee te doen of met een kleine bijdrage.

Interessant? Deel het artikel

Meer over

Blijf op de hoogte

Abonneer je op een of meerdere van onze nieuwsbrieven en ontvang elke week een update van de artikelen op Hier in Salland. Om de twee weken verloten we onder de abonnees om en om een pakket uit de biologische boerderijwinkel Overesch en de biologische Supermarkt in het Bos van Kleinlangevelsloo, beiden in Raalte. Bekijk de spelregels.

Laat een reactie achter

Het e-mailadres wordt niet gepubliceerd. Vereiste velden zijn gemarkeerd met *

Blijf op de hoogte

Abonneer je op onze nieuwsbrief en ontvang elke week een update van de artikelen op Hier in Salland. Iedere maand verloten we onder de abonnees een pakket uit de biologische boerderijwinkel Overesch in Raalte. Bekijk de spelregels.