Plaatnportret: Crazy Horses van The Osmonds

Luttenberger muziekkenner Leo van Krukkert selecteert iedere week een historisch muzieknummer met video dat aansluit bij de actualiteit. Deze week 'Crazy Horses' van The Osmonds. Met Sallandse ondertiteling!

Interessant? Deel het artikel

pixabay

50 joar e-leene, in 1973, steun de hele moand januari Crazy Horses van The Osmonds op nummer íéne in de Nederlaandse Top40.

Àn de deurbraak van dit nummer lag een optreden in ’t tullevisieprogramma ‘Één van de Acht’ van Mies Bouwman ten grondslag.

Mies was net as de rest van Nederlaand e-wend àn deurgoans wat zoetsappige líéndties van de, töt dan toe ’t beste as boyband te kwalificeern, Osmonds.

Mà toen ’t optreden in heur show d’r op zat was Mies, net as olle kiekers doarnoa waan, metíéne kloarwakker.

Crazy Horses gíét oaver een noe 50 joar laater, oaverà in de wereld, nog steeds uuterst actueel thema; luchvervuiling.

Wie – bie daglich – wè is e-landt is in een vliegtuuge op ’t vliegveld van een metropool, zal zich al dalende, vast wè weer de vèrschulnde gekleurde luchtlōāgn ten gevolge van vèrvuiling, veur de geest kun haaln. Det was 50 joar leene à zo en det is noe nog zo.

The Osmonds (ofkomstig uut Utah, V.S.) beheurt töt de Mormonengemeenschap, een gemeenschap die o.a. zeer begōāne is, en ok op die maniere prebeert te lēēm, met ‘goed doen’ veur oe noasten mà ok veur Moeder Aarde.

En det goed doen veur de Aarde, veur oe omgeving kump treffend töt uutdrukking in de tekst van Crazy Horses. De Crazy Horses vèrbeeld nameluk heel simpel de talloze auto’s (de peerdekrachtn) met hun stinkende uutloatn die op onze planeet rondríédt.

’t Intro is van een Yamaha-örgel met doarop een “hen-en-weer-skóéve.’

Wayne ‘bedacht’ de ‘zwoare’ rockriff, Merrill de melodie en Alan de akkoardn. ’t Kwintet van de Osmond-breurs wut  compleet e-maakt met Jay en Donny.

Zo, en dan is’t noe hoog tied veur de video van gewoon een heerluk lakker stampend rockend nummer. Velle schik d’r met.

 

Video Crazy Horses

 

Bonusvideo met ’t vèrhaal van Merril Osmond woaruut wè ’n bettie blik det The Osmonds eigeluk feiteluk heemoa gin rockers waan:

 

Bonus video Merrill Osmond

 

 

 

 

 

 

 

Wie – bie daglich – wè is e-landt is in een vliegtuuge op ’t vliegveld van een metropool, zal zich al dalende, vast wè weer de vèrschulnde gekleurde luchtlōāgn ten gevolge van vèrvuiling, veur de geest kun haaln. Det was 50 joar leene à zo en det is noe nog zo.

Word supporter van HierinSalland

HierinSalland is voor, maar ook van Salland. Word supporters en ondersteun ons. Door mee te doen of met een kleine bijdrage.

Interessant? Deel het artikel

Meer over

Blijf op de hoogte

Abonneer je op een of meerdere van onze nieuwsbrieven en ontvang elke week een update van de artikelen op Hier in Salland. Om de twee weken verloten we onder de abonnees om en om een pakket uit de biologische boerderijwinkel Overesch en de biologische Supermarkt in het Bos van Kleinlangevelsloo, beiden in Raalte. Bekijk de spelregels.

Laat een reactie achter

Het e-mailadres wordt niet gepubliceerd. Vereiste velden zijn gemarkeerd met *

Blijf op de hoogte

Abonneer je op onze nieuwsbrief en ontvang elke week een update van de artikelen op Hier in Salland. Iedere maand verloten we onder de abonnees een pakket uit de biologische boerderijwinkel Overesch in Raalte. Bekijk de spelregels.