Plaatnportret: Aphrodite’s Child, Spring Summer Winter and Fall

Plaatnportret: Spring summer winter and fall.

Ut is harfst en goed ok. En det is ’n heele vèraandering vèrglekn met de periode vanof zeg april t/m begin september.

Oaver de harfst bint meerdere líénties e-skreem mà ik heb e-kēūzn veur ’n nummer det nie alleent oaver de harfst gíét mà oaver meerdere joargetiedn.

Ut is ’n nummer det e-skreem is deur Evangelos Odysseas Papathanassiou … better bekend as Vangelis. Hij is trouwens in mei dit joar e-stürm.

Spring summer winter and fall is feiteluk ’n líéntie oaver ’n vergangen liefde mà d’r zit tegeliekertied ’n prachtige wiesheid in, de wiesheid det olles àn vèraandering onderhevig is.

Heraclitus, ’n Griekse filosoof zei ooit: “Niets is blijvend, behalve verandering” en det is iets prachtigs um oaver noa te denkn en um met oe met te draagn. Niks, mà dan ok kats niks blif zo as ut is.

Tja en as dan de Griekse band Aphrodite’s Child de  tekst ok nog is op schitterende wíéze weet te vèrpakn in mooie muziek dan ontstíét d’r ’n tiedloos nummer.
Met veur die tied vèrniejende synthesizerklankn (van Vangelis) en met de hoast mythisch klinknde stemme van Demis Roussos.

Spring summer winter and fall stíét bie mie in de eeuwige Top20 van beste líénties evver ooit.
Ut líéntie røp bie mie  gedachten op en dut mie mijmeren oaver dinge as vèraandering, vèrgankelukheid en tied.

De video is uuteroard weer Sallaands ondertitelt met àn’t eind ’n mooie uutspraak van ’n zekere Albert. Velle schik d’r met.

Klik hier voor de video