Vrogger bie ons thuus was muziek heel belangriek. In oons grote gezin was iederiene d’r we op íén of aandere maniere met bezig. As koarlid, as bespeller van een instrument en as vèrzamelaar van singleties en lp’s en natuurluk met een bandrecorder en laater cassetterecorder veur de radio zitn en wachn töt ’t juuste moment um de opname te startn.
De liefde veur muziek zit d’r bie mie dan ok à van jongs of àn in en doar is töt op de dag va vèdaage niks àn vèraanderd. Àn bienoa elke nummer zit we een herinnering, àn bienoa elke herinnering kleeft we een líéntie.
D’r bint velle odes àn muziek e-brach, denk bèveurbeeld àn Abba of John Miles. Mà veur mie met ofstaand de mooiste ode àn muziek kump uut Italië. Ok dit líéntie beschrif, net zo as veur mie geldt, de connectie tusn herinneringen, gebeurtenisn en muziek en ok hoe muziek de liefde veur een persoon kan vèrwoardn.
Veur mie is’t 11 minuutn lange genietn, veur uulle hop ik ok;
Eros Ramazzotti met Musica è met Sallaandsn ondertiteling: Klik hier voor de video.
