19 november is ut WereldMANNENdag. Een dag veur kjeals, kjeals die an’t wark bint, ‘Men at Work’ dus. En det gegeven brengt mie noar ut laand woar hardwarkende stoere kjeals vot komt, noar ut laand van de band ‘Men at Work’; noar Australië !!
Ik hebbe ut veurrech e-had um d’r een moal rond te reizn. En ik von ut ech een oonmeunig fantastisch ‘no nonsens laand’. In teegnstelling töt de gemanierde en beleefde Niej Zeelaanders bint de Australiërs meer van ut roewe wark, rech deur zee en veurol rech veur de raap.
D’r wut vèronderstelt det dit te maakn hef met ut feit det Australië vrogger gebruukt wun as dumpplaase veur Britse crimineeln woarvan de genen generatie op generatie deurgeem bint en det dit zodoende bie de huidige inwoners noe nog markbaar is. In zeekere zin zoj kun’ zegn det Australië een laand van echte mà ok een bettie van ‘zwoare’ kjeals is.
Kjeals die op wild jaagt, van BBQ noar BBQ lèèft, (te) velle drinkt, een heeln dag op zee gôat visn, 60 schoapm in een uur scheert, met hun 4 wheel drive veur dagen de Outback in trekt en die natuurluk van rugby en Australian Football hoald.
Men at Work bezingt in Down Under typische Australische kenmarkn. In disse video de Sallaandse vèrtaling doarvan:
Klik hier voor de video
Hier een video woarin zanger Colin Hay uutlegt wat Men at Work met ut líédtie bedoelt hef en hoe ut is onstoane en uut e-gruujt is töt een hele grote hit. In Australië wut ut beschouwd as ut twidde volkslied:
Klik hier voor deze video
Töt slot hier de prachtige orginele video vol met humoristische stereotype Australische trekkies zo as de stoete met Vegemite, de hoge witte kniekousn en de lompe maniern:
Klik hier voor deze video
