“So this is Christmas and what have we done ?
Another year over and a new one just begun.”
(1972 John Lennon)
Joa zo herhaalt zich oons lèèm, joar noa joar.
En doarvan waan de laatste twee, bes zwoar.
Mà doar gôat wie noe nie oaver maaln.
Nee wie kiekt veuruut en stopt met baaln.
’t Nieje joar begint oaver veertien daagn.
En mien veurnem is, nie meer te gôan klaagn.
Tamee komt sneeuwklökkies boavm in koale grond.
En laater dartelt lammegies stuntelig rond.
De kiesies boldert noar buutn, twee an twee.
De vögelties legt weer eigies, vaak meer as dree.
Akkers wut e-ploegt, ik waare mie veur ol det gestóéf.
Terwijl ik de heerlukke luch, van vars gemeit grös opsnóéf.
En dit olles is nog mà de lente.
Want nog weer laater drinke wie bier in de tente.
Maake wie fietstochtn deur mooie natuur.
En hoale wie ’n BBQ veur iedere buur.
Dus luu, geef nie op, goa alstoebleef deur.
’t Goeie oaverwint olles, dus kop d’r veur.
Geluk zit h’m in kleine dinge, ik wèènse niks anders
Dan alleen dit, veur olle Sallanders !!
fijne Kãsdaagn en ’n goed & gezond 2022
